تسجيل الدخول لسرعة الوصول إلى أفضل الصفقات. انقر هنا إذا لم يكن لديك حساب.

اجراءات تصدير السيارت من خارج السودان ???? عرض

منذ سنتين خدمات الخرطوم   494 الآراء

-- جنيه

  • img

0.0 نجمه

موقعك: الخرطوم
السعر: -- جنيه

اجراءات تصدير السيارت من خارج السودان ????

الإجراءات داخل السعودية

1️⃣الخطوه الاولى:۔

الفاتوره النقدية ودي حسب الشخص البتشتريها منو بعد استلمتا الفاتوره الفاتوره تمشي

 توثقها من الغرفة التجاريه (25ریال) وبعد داك توثقها من السفاره (۱۱۰ ریال) ومن الخارجية السعودية في حدود ( 50 ريال) او ممكن تختصر

الجوطه دي كلها وتشتريها جاهزه من اي مكتب شحن في حدود (450 / 500) ريال

2️⃣الخطوه الثانية:

تسقط لوحات العربيه وقيمه التسقيط (۱۰۰) ريال

ملحوظه ( عندك 10 يوم فقط بعد تسقيط اللوحات لازم خلال ال 10 يوم العربيه تغادر المملكه

3️⃣الخطوه الثالثه ::

تسلم العربية لي مكتب وقيمة الشحن من جدة لي سواكن شامله كل شئ (۱۲۰۰  / ۱۳۵۰) انت وحنكك

الإجراءات داخل السودان

4️⃣الخطوه الرابعه:۔

وصلتا السودان بالسلامه تقوم بدرررري تمشي مجمع الجمهور تشيل معاك الاوراق الاتيه

ا/ اصل الفاتوره النقدية

ب/ الجواز ولو عندك جوازين قديم وجديد شيلهم معاك

تمشي تعمل برنت من الضرائب بعد تاخد البرنت تمشي يعملو ليك ابراء ذمه من الضرائب وابراء ذمه من الذكاه

وتدفع الخدمات واهم شي ابراء الذمه من الذكاه والضرائب

5️⃣الخطوة الخامسة :-

تمشي الخارجية السودانيه توثق الفاتورة النقدية (۷۰جنيه سوداني) ودي ممكن تعملها في نفس اليوم مع اجراءات مجمع الجمهور بتاعت الضرائب والزكاة

6️⃣ الخطوه السادسه:

مكتب الاستثمار في المغتربين ودا افضل انك تمشي بدرررري من 6 صباحا لانو بشتغلو ۳۰۰ جواز فقط في

اليوم وعليها رسوم (۲۰۰۰) جنيه سوداني

الأوراق المطلوبة في الخطوة

/ اصل الفاتورة النقدية

بالجواز (لو عندك جوازيين شيلهم الاتنين)

ج/ابراء ذمه من الضرائب

د/ابراء ذمة من الذكاة

د/صورة من ال ديباجة

والخروج النهائي يكون مختوم ( لو ما عندك مافي مشكله في بتاع كمبيوتر بطلعو ليك بي 150 جنيه)

ز/ كل الايصالات المالية الدفعتها

الخطوه السابعه7️⃣

ترجع مجمع الجمهور مكتب الضرائب بطبعوا ليك اذن الشحن والباركود ترسلهم للمخلص الفي سواكن وتكلم مكتب الشحن في جده يرسل العربية علي كدا

مافي فاتورة بتطلع من السفارة في الخرطوم لان الفاتورة لازم تكون موثقة من كل الجهات في المملكة غرفة تجارية والقنصلية ووزارة الخارجية السعودية وشكرا 

اخوكم سامي جمال الدين وأي استفسار هذا رقمي 0124234784 او في الخاص


 
ملحوظه: يجب ان تكون عضو معنا حتي تستطيع وضع تعليق.